Parita Socialite ka mbledhur mëngjesin e sotëm Asamblenë Kombëtare. Në nisje të kësaj asambjele, ajo që ra në sy është se sekretari i përgjithshëm i kësaj partie, Damian Gjiknuri ka folur me një gjuhë që përdorej në kohën e komunizmit. Ai i është drejtuar të pranishmëve në mbledhje me caktimet “shokë dhe shoqe”
“Ftojë të gjithë ju shokë dhe shoqe që të jepni mendimin tuaj, do kemi pyetje dhe diskutime që në fund të merren vendime e duhura nga kjo asamble.. Shoqet dhe shokët anëtarë të asamblesë do të marrin parasysh dhe me seriozitet këtë proces”, tha gj ikuri.
Fokusi i kësaj mbledhjeje do të jetë me qëllim zbatimin e vendimeve të miratuara në Kongresin e 9 prillit. Në Asamble do të ratifikohen disa nga ndryshimet statutore, e po ashtu tha se do të miratohet ndërprerja e mandatit të kryetarëve aktual të degëve të PS në 61 bashkitë e vendit dhe do të vijohet me procesin e ri. Zgjedhja e presidentit të ri do të jetë një nga çështjet që pritet të diskutohet.
Agjenda e plotë:
Ditën e Shtunë, datë 07.05.2022, ora 10:00, në mjediset e kompleksit “Xibraku” në Tiranë do të zhvillohet mbledhja e Asamblesë Kombëtare të Partisë.
Rendi i ditës së mbledhjes do të jetë:
- Hapja e punimeve të Asamblesë nga Sekretari i Përgjithshëm z.Damian Gjiknuri.
- Fjala e Kryetarit të Partisë Socialiste z.Edi RAMA.
Sesioni organizativ
- Prezantimi i ndryshimeve në Librin e Rregullave në zbatim të Statutit të ri të miratuar në Kongresin e datës 9.04.2022.
- Propozime/shtesa në draftet e rregulloreve dhe votimi i tyre.
- Miratimi i agjendës politiko/organizative dhe plan-veprimi i strukturave deri në zgjedhjet vendore 2023.
- Prezantimi dhe miratimi i projektvendimit për kuotizacionin e anëtarësisë së partisë për vitin 2022.
- Vendimi për plotësimin e vendeve vakante në Asamblenë Kombëtare.
- Diskutime të lira
- Mbyllja e punimeve të Asamblesë.
