Për avokat Spartak Ngjelën, ish-kryeministri Sali Berisha mashtron me deklarata se gjykata e Parisit ka pranuar padinë e tij. Përmes një statusi në rrjete sociale, duke komentuar foltoren e Berishës, avokati deklaroi se ajo i ngjason “Karrocës së Dylit”, ndërsa u shpreh se Kongresi shumë shpejt pritet të publikojë provat që ka kundër tij. “Nga Kongresi Amerikan pritet të merret vendimi final kundër tij, kurse Saliu del nëpër Shqipëri dhe thotë që Departamentin e Shtetit e ka rrëzuar në një gjykatë në Paris!
Siç po duket, po i marrin Eurot derëziut, por duhet të kujtohemi që ato para, i janë grabitur shtetit shqiptar dhe u janë vjedhur me anë korrupsioni shqiptarëve. Kurse, Saliu dhe familja e tij, do t’i dorëzojë të gjitha, edhe pronat, edhe paratë; keni për ta parë. Ku është vendimi i gjykatës që na e paska “çliruar” Sali Berishën nga “non grata” amerikane, vendim ky për të cilin ai po gënjen nëpër mitingjet e tij qesharake? Askund deri më tani nuk është dhënë një vendim gjykate për këtë çështje dhe nuk ka mundësi të jepet. Po gjyqtarit të Parisit që po llomotit Saliu, i lejohet kjo? Nuk i lejohet dhe prandaj ai duhet të refuzojë padinë. More Sali; pse ta zgjasim: po cili është emri i këtij gjyqtarit tënd”, tha Ngjela.
Avokati u shpreh se Berisha e ka humbur të drejtën për të kundërshtuar vendimin e Blinken dhe padia ndaj tij është gënjeshtër. Ngjela u shpreh se Berisha e ka humbur afatin për ta atakuar aktin administrativ kundër Blinken në një gjykatë amerikane. Avokati deklaroi se Kongresi Amerikan do të publikojë prova kundër Berishës teksa shtoi se Berisha sorollatet si Karroca e Dylit. “Ku është vendimi e gjykatës që na e paska “çliruar” Sali Berishën nga nongrata amerikane, vendim ky për të cilin ai po gënjen nëpër mitingjet e tij qesharake deri në gënjeshtra fëmijësh? Askund deri më tani nuk është dhënë një vendim gjykate për këtë çështje, dhe nuk ka mundësi të jepet, sepse vetëm budallait i lejohet të gënjejë me budallallëqe.
Por, pikërisht këtu del një pyetje: po gjyqtarit të Parisit që po llomotit Saliu, i lejohet kjo? Nuk i lejohet, dhe prandaj ai duhet të refuzojë padinë e ngritur. Le të supozojmë për një çast se nuk i ndalohet! Por; s’e di gjyqtari që kështu ai po shkel një ligj kundër Amerikës; dhe çështja merr karakter të theksuar ndërkombëtar”, tha më tej avokati. Më tej ai u shpreh se turet e Berishës nuk do sjellin asgjë. Sipas tij, SHBA e ka vulosur vendimin për të. “Po Saliu, pse po sorollatet nëpër Shqipëri? Po sorollatet nëpër Shqipëri, sepse ai tani e ka shpresën te Karroca e Dylit. Por, megjithëse ka të dhëna që Dyli ia ka dhënë karrocën e tij, Sali Berisha nuk di të ngasë kalin. Atëherë, prisni dhe shikoni në këto ditë fundin e tragjedisë së fundit shqiptare”, tha ai.
