Dënohet me 6 vite e 8 muaj burg 48-vjeçari Sokol Kapinova, i akuzuar për “marrëdhënie seksuale me të mitur, e mbetur në tentativë”. Ngjarja ndodhi në 18 Qershor 2020 në banesën e Kapinovës, që ngacmoi seksualisht një të mitur 5-vjeçe
Raportohet se Sokol Kapinova, është përfaqësuar në seancën gjyqësore nga avokati i tij mbrojtës. Prokurori i çështjes, Dritan Gripshi, i kërkoi Gjykatës së Shkallës së Parë Berat dënimin e tij me 9 vite burgim.
Sipas prokurorit, akuza në ngarkim të 48-vjeçarit Kapinova provohet nga aktet e ekspertimit si dhe nga provat shkencore dhe ato me dëshmitarë.
Mësohet se gjatë të gjitha seancave gjyqësore ku i pandehuri ka qenë i pranishëm, ai e ka mohuar akuzën dhe nuk ka shprehur pendesë. Trupi i gjykues i përbërë nga gjyqtarët: Durim Hasa, Matilda Llangozi dhe kryesuesja Entela Gjoni, pasi kanë dëgjuar prerendimet e palëve, e kanë shpallur Kapinovën fajtor dhe e kanë dënuar përfundimisht me 6 vite e 9 muaj burgim, të cilat do t’i kryejë në burgjet e sigurisë së zakonshme.
