Komisioni i Rithemelimit do të mbajë ditën e nesërme Kuvendin Kombëtar të Partisë Demokratike në Pallatin e Kongreseve. Kuvendi pritet të nisë në orën 10:00 dhe do të marrin pjesë 1 mijë e 100 delegatë të zgjedhur nga degët e PD në të gjithë Shqipërinë.
Mësohet se bashkë me ta do të jenë të pranishëm anëtarët aktualë të Këshillit Kombëtar sëbashku me delegatët e rinisë dhe gruas ku numri pritet të shkojë në 1800 delegatë.
Në podium do të ngjiten 20 folës prej të cilëve figura të rikthyera në PD, themelues, personalitete nga jashtë dhe të rinj, ndërsa nuk do mungojë as fjalimi i ish-kryeministrit Berisha.
Parashikohet që votimi për anëtarët e rinj të Këshillit Kombëtar të nisë në orën 13:00. Kuvendi do të propozoje ndryshime statutore dhe do të votojë për Këshillin e ri Kombëtar dhe Kryesinë.
