Kreu i PL, Ilir Meta, ka deklaruar ditën e sotme se në lojën e inceneratorëve janë përfshirë bashkitë, ministri dhe kryeministri, si dhe punonjës të tyre me dëshirën më të madhe për të vjedhur. AI tha se gjithë këta aktorë kanë ndërtuar një skemë të tillë, një lojë që po iu vjedh miliona euro qytetarëve shqiptar. Sipas tij, Rama po i kërkon popullit të kursejnë, po i lë ata pa bukë se fondet i çon për inceneratorët. Ndërsa thekson se fajtori kryesor është Rama, pasi ai është nismëtari dhe urdhëruesi kryesor i inceneratorëve.
“Shtohen atje çështjet, është implikim mbarështetëror, s është vetëm bashkia e Tiranës por edhe e Elbasanit, edhe ministria e Bujqësisë. Sa fermerë mashtrohen? E gjitha është një lojë, kryeministri është në vend të kësaj afere. Duhet të kini durim, ne kemi qetësinë dhe vendosmërinë që ti shkojmë aferës deri në fund, çdo tolerim është tradhti kombëtare, do toleronim falimentimin në heshtje.
Kushdo që do ti shërbejë procesit ligjërisht, të bëjë detyrën e tij dhe është i mirëpritur dhe kur vonon. Kush do pastaj të bëhet pjesë e djegësave, do të zhgënjehet rëndë. Pa frymëzimin e kryeministrit kjo aferë nuk do fillonte kurrën e kurrës jo më të merrte përmasa katastrofike ku njerëzit po vuajnë për bukë”, tha Meta, duke paralajmëruar se të gjithë të përfshirët do të dalin para përgjegjësisë.
