Sot jepet lamtumira e fundit ish-presidentit të vendit, Bujar Nishanit ndërsa prej mëngjesit të sotëm po zhvillohen homazhe në nderim të tij në Presidencë. Në nderim të tij, ishin shumë figura të rëndësishme të Partisë Socialiste. Në homazhet në nderim të ish-presidentit Nishani, ishin të pranishëm deputetët e ministrat e PS-së, mes tyre Elisa Spiropali, Milva Ekonomi, Frida Krifca dhe Taulant Balla.
Nderimet për ish-kreun e shtetit, që u nda nga jeta disa ditë më parë, nisën në orën 10:00 dhe do të përfundojnë në orën 12:00. Arkmorti me trupin e pajetë të ish-presidentit është vendosur në sallën “Skënderbeu” të Presidencës, ku familjarët po presin ngushëllimet.
Pas orës 12.00 arkmorti me trupin e Presidentit Nishani, i shoqëruar nga kortezhi mortor shkon në këmbë deri të Ura e Lanës, pastaj niset drejt varrezave të Sharrës ku do të zhvillohet ceremonia e varrimit.
Ndërhyrja në argjinaturën e Erzenit, prokuroria nis hetimet dhe sekuestron dokumente në Bashkinë e Sakos –
Prokuroria e Durrësit ka nisur hetimet për ndërhyrjen në argjinaturën e lumit Erzen, ku si pasojë e daljes së tij...
