Burime diplomatike të Bashkimit Evropian bëjnë të ditur, se nuk pritet të merret vendim mbi kuadrin negociues me Maqedoninë e Veriut dhe Shqipërinë nesër gjatë takimit të ministrave të çështjeve europiane.
Kjo pasi aktualisht nuk ka sinjale nga Bullgaria dhe as nga Maqedonia e Veriut lidhur me një ndryshim të qëndrimit të tyre mbi marrëveshjen e fqinjësisë.
Ministrat e çështjeve europiane mblidhen nesër në video-konferencë, gjë që e bën shumë të vështirë marrjen e një vendimi nesër.
Nëse do ketë ndryshim të qëndrimeve të Bullgarisë dhe Maqedonisë së Veriut, vendimi për kuadrin necociues me të dyja vendet mund të merret përmes procedures me shkrim.
Sipas burimeve diplomatike, ka pak gjasa që kjo të ndodhë para fundit të vitit. Duke u përgjjgjur pyetjes se ABC news, nëse për Shqipërinë drafti i konkluzioneve do t’i referohet 2 kushteve që mbeten për t’u përmbushur nga Shqipëria sipas Komisionit Europian apo mund të ndryshojë sipas kërkësave të 5 shteteve anetare mbi një kushtëzim më të rreptë për Shqipërinë, burimet diplomatike janë përgjigjjur:
“Nuk pritet të ketë një diskutim të gjatë mbi kushtëzimin për Shqipërinë. Konferenca e parë ndërqeveritare me Shqipërinë do të mblidhet vetëm kur të jenë përmbushur kushtet. Kjo bën të kuptohet, se drafti i konkluzioneve për Shqipërinë mund të mbetet në formën e kushtëzimit me dy kushte lidhur me funksionimin e plotë të Gjykatës Kushtetuese dhe të Lartë dhe ndryshimin e ligjit për mediat sipas rekomandimeve të Komisionit të Venecias.”
