Nesër më 30 tetor, deputetët rikthehen në seancë plenare. Ndonëse seanca e fundit nuk u zhvillua, për shkak të vendimit të opozitës për të shkaktuar kaos dhe për të bllokuar punimet e Kuvendit, deri në plotësimin e kërkesave të saj, ligjvënësit do të rikthehen për të diskutuar, sipas rendit të ditës për 4 orë, problematikat e zgjedhësve.
Por njëjtë si seanca e fundit, edhe seanca e së hënës, pritet të zhvillohet me përplasje mes opozitës dhe maxhorancës.
Për shkak të kaosit që krijuan, 23 deputetë të opozitës, rezultojnë të përjashtuar. Me kërkesë të deputetëve socialistë, mes të përjashtuarve janë kreu i grupit parlamentar të PD, Gazment Bardhi si dhe kreu i demokratëve Sali Berisha.
Gazment Bardhi deklaroi se të përjashtuarit do të jenë në Kuvend, pasi sipas tij, afati për përjashtimin me 10 ditë, përfundon më 29 tetor, dhe jo më 30, sikurse thuhet në vendimin e vulosur me votat e socialistëve në Sekretariatin e Etikës.
Bardhi u ka kërkuar deputetëve të përjashtuar të jenë të pranishëm gjatë seancës së nesërme (30 Tetor) në Kuvend.
“Të mblidhemi grup dhe të shkojmë në seancë”, ka deklaruar ai.
Bardhi ka kërkuar që ligjvënësit opozitarë të mblidhen rreth orës 16:30 në Parlament.
Më herët, pjesëmarrjen e konfirmoi përmes një statusi në rrjetet sociale, edhe një tjetër prej të përjashtuarve Saimir Korreshi.
“I tremben opozitës prandaj dhe na përjashtojnë dhe kur nuk u dalin llogarite, nuk zbatojnë as vendimet e tyre”.
Përjashtimi 10 dite i deputetëve ka hyrë në fuqi me 20.10.2023 dhe me llogaritje matematikore përfundon në datën 29.
“Ne do të jemi në seancë!”- shkruajti deputeti.
Por jo vetëm përjashtimet, pritet të jenë molla e sherrit seancën e së hënës. Rikthimin pas 10 ditësh në Kuvend, një pjesë e deputetëve të opozitës e kanë edhe me një hall të ri: atë të betejës së Sali Berishës me drejtësinë, pas vendosjes nga SPAK të masës së sigurisë “Detyrim Paraqitje” ndaj ish kryeministrit për aferën e “ish kompleksit Partizani”.
Tashmë, duhet të presim deri ditën e nesërme për të parë se si do të rrjedhin ngjarjet.
Nesër më 30 tetor, deputetët rikthehen në seancë plenare. Ndonëse seanca e fundit nuk u zhvillua, për shkak të vendimit të opozitës për të shkaktuar kaos dhe për të bllokuar punimet e Kuvendit, deri në plotësimin e kërkesave të saj, ligjvënësit do të rikthehen për të diskutuar, sipas rendit të ditës për 4 orë, problematikat e zgjedhësve.
Por njëjtë si seanca e fundit, edhe seanca e së hënës, pritet të zhvillohet me përplasje mes opozitës dhe maxhorancës.
Për shkak të kaosit që krijuan, 23 deputetë të opozitës, rezultojnë të përjashtuar. Me kërkesë të deputetëve socialistë, mes të përjashtuarve janë kreu i grupit parlamentar të PD, Gazment Bardhi si dhe kreu i demokratëve Sali Berisha.
Gazment Bardhi deklaroi se të përjashtuarit do të jenë në Kuvend, pasi sipas tij, afati për përjashtimin me 10 ditë, përfundon më 29 tetor, dhe jo më 30, sikurse thuhet në vendimin e vulosur me votat e socialistëve në Sekretariatin e Etikës.
Bardhi u ka kërkuar deputetëve të përjashtuar të jenë të pranishëm gjatë seancës së nesërme (30 Tetor) në Kuvend.
“Të mblidhemi grup dhe të shkojmë në seancë”, ka deklaruar ai.
Bardhi ka kërkuar që ligjvënësit opozitarë të mblidhen rreth orës 16:30 në Parlament.
Më herët, pjesëmarrjen e konfirmoi përmes një statusi në rrjetet sociale, edhe një tjetër prej të përjashtuarve Saimir Korreshi.
“I tremben opozitës prandaj dhe na përjashtojnë dhe kur nuk u dalin llogarite, nuk zbatojnë as vendimet e tyre”.
Përjashtimi 10 dite i deputetëve ka hyrë në fuqi me 20.10.2023 dhe me llogaritje matematikore përfundon në datën 29.
“Ne do të jemi në seancë!”- shkruajti deputeti.
Por jo vetëm përjashtimet, pritet të jenë molla e sherrit seancën e së hënës. Rikthimin pas 10 ditësh në Kuvend, një pjesë e deputetëve të opozitës e kanë edhe me një hall të ri: atë të betejës së Sali Berishës me drejtësinë, pas vendosjes nga SPAK të masës së sigurisë “Detyrim Paraqitje” ndaj ish kryeministrit për aferën e “ish kompleksit Partizani”.
Tashmë, duhet të presim deri ditën e nesërme për të parë se si do të rrjedhin ngjarjet.
