Në mbyllje të seancës së sotme plenare, kryetari i Parlamentit Gramoz Ruçi u kujtoi të gjithë deputetëve rregulloren e kuvendit.
Ditën e nesërme do të ketë një seancë maratonë, ku pothuajse të gjithë deputetët do të mbajnë një fjalim.
Kryeparlamentari paralajmëroi deputetët se nuk do të ketë asnjë tolerim, dhe secili prej deputetëve nuk duhet të flasë më shumë se 20 minuta, aq sa parashikon edhe rregullorja.
Gjithashtu Ruçi u tha deputetëve se nëse njëri prej tyre nuk ndodhet në seancë kur t’i vijë radha për të folur, e humbet automatikisht të drejtën për të mbajtur fjalim.
Një tjetër detaj ka të bëjë edhe me renditjen e deputetëve, e cila mund të ndryshojë në bazë të situatave të ndryshme.
