Kryetari i Komisionit Zgjedhor në PD-në zyrtare, Jemin Gjana, përmes një deklarate, i ka bërë thirrje anëtarëve të partisë që nesër të votojnë në procesin zgjedhor për zgjedhjen e kreut të ri të PD.
Gjana tha se procesi është legjitim, ndonëse një ditë më parë Këshilli vendosi anulimin e zgjedhjeve.
“Ftesa ime për të gjithë demokratët është ti bashkëngjiten procesit të votimit.
Ftesa është e hapur, legale, statutore, jo vetëm për ata që janë pjesë e listave të miratuara, por ftesa është e hapur për të gjithë demokratët që disponojnë dokumentet e anëtarësimit në PD, të cilët me teserën e PD nuk kanë punuar për partitë e tjera politike, pjesa e rithemelimit nuk mund të bëhet pjesë, gjithë pjesa tjetër e demokratëve është e ftuar t’i bashkohet nesër procesit.
Zhvillimet janë të forta, të bujshme, muajt e sotme janë të nxehtë, por muajt e vjeshtë s’do jenë akoma më të nxehtë.
Duke e mbyllur këtë komunikim para hapjes së kutive të votimit, i ftoj të gjithë demokratët të bëhen pjesë e këtij votimi legjitim për garën për kreun e PD”, tha Gjana.
Një ditë më parë, Këshilli Kombëtar i PD-së zyrtare, i thirrur nga Gazment Bardhi me cilësinë e Sekretarit të Përgjithshëm, dhe i mbështetur nga shumica e deputetëve, vendosi të anulojë procesin e zgjedhjeve, sikundër depozitoi në Gjykatën e Tiranës vendimmarrjen, duke kërkuar çregjistrimin e Lulzim Bashës, si kryetar i PD-së, nga regjistri i partive politike, ku ende vijon të figurojë si drejtues i Partisë Demokratike, edhe pse ka dhënë dorëheqjen në mars 2022.
Kryetari i Komisionit Zgjedhor në PD-në zyrtare, Jemin Gjana, përmes një deklarate, i ka bërë thirrje anëtarëve të partisë që nesër të votojnë në procesin zgjedhor për zgjedhjen e kreut të ri të PD.
Gjana tha se procesi është legjitim, ndonëse një ditë më parë Këshilli vendosi anulimin e zgjedhjeve.
“Ftesa ime për të gjithë demokratët është ti bashkëngjiten procesit të votimit.
Ftesa është e hapur, legale, statutore, jo vetëm për ata që janë pjesë e listave të miratuara, por ftesa është e hapur për të gjithë demokratët që disponojnë dokumentet e anëtarësimit në PD, të cilët me teserën e PD nuk kanë punuar për partitë e tjera politike, pjesa e rithemelimit nuk mund të bëhet pjesë, gjithë pjesa tjetër e demokratëve është e ftuar t’i bashkohet nesër procesit.
Zhvillimet janë të forta, të bujshme, muajt e sotme janë të nxehtë, por muajt e vjeshtë s’do jenë akoma më të nxehtë.
Duke e mbyllur këtë komunikim para hapjes së kutive të votimit, i ftoj të gjithë demokratët të bëhen pjesë e këtij votimi legjitim për garën për kreun e PD”, tha Gjana.
Një ditë më parë, Këshilli Kombëtar i PD-së zyrtare, i thirrur nga Gazment Bardhi me cilësinë e Sekretarit të Përgjithshëm, dhe i mbështetur nga shumica e deputetëve, vendosi të anulojë procesin e zgjedhjeve, sikundër depozitoi në Gjykatën e Tiranës vendimmarrjen, duke kërkuar çregjistrimin e Lulzim Bashës, si kryetar i PD-së, nga regjistri i partive politike, ku ende vijon të figurojë si drejtues i Partisë Demokratike, edhe pse ka dhënë dorëheqjen në mars 2022.
