Ish-ministri i Jashtëm Ditmir Bushati ka reaguar pak momente më parë për hapjen e negociatave të Shqipërisë me BE-në.
Në një postim në Twitter, Bushati thotë se Bashkimi Europian duhet të kuptojë se integrimi i Shqipërisë dhe Maqedonisë së Veriut do të sigurojë një sens drejtimi për Ballkanin Perëndimor.
Më tej ish-ministri thekson se negociatat duhet të konsiderohen si një përgjegjësi e përbashkët.
“BE si një projekt paqeje, duhet të kuptojë se me fillimin e bisedimeve të pranimit me Shqipërinë dhe Maqedoninë e Veriut do të sigurojë një sens drejtimi për Ballkanin Perëndimor në rindërtimin dhe demokratizimin e shoqërive të tyre. Ka ardhur koha që ta konsiderojmë këtë si një përgjegjësi të përbashkët!”, shkruan ish-ministri.
