Avokati Adriatik Lapaj u përplas mbrëmjen e djeshme në emisionin ‘Drejt’ me zv.ministrin e Financave, Besart Kadia.
Lapaj u shpreh se në vendin tonë të pasurit janë bërë me nepotizëm, me rastësi, me meritë dhe me lidhje me pushtetin.
Ndërkohë, zv. ministri i Financave, Besart Kadia e kundërshtoi duke thënë se nuk është dakord dhe duke theksuar se në Shqipëri të pasurit bëhen vetëm me meritë.
Lapaj: Në Shqipëri është krijuar virusi i ikjes, perceptim se ka një organizatë që i shërben një pakice.
Kadia: Zona më e varfër në Shqipëri ajo e verilindjes, ndërsa më e pasura ajo e juglindjes
Kadia: Në Shqipëri të pasurit janë bërë vetëm me meritë. I pasur bëhesh me meritë, ndërsa për të dalë nga varfëria ke nevojë për ndihmë. Pasuria nuk bëhet me vjedhje dhe miqësi.
Lapaj: Atëherë ndahemi në këtë pjesë. Në Shqipëri bëhesh i pasur nga rastësia, ishte në momentin e duhur dikush, një pjesë me nepotizëm.
Kadia: Fakti që ka njerëz të pasur në shoqëri mua më jep shpresë.
