Policia e Elbasanit ka shpallur në kërkim babain e të shumëkërkuarit Florenc Çapjas, pasi në një servis në lagjen “Emin Matraxhiu” , policia ka gjetur sende pa leje me stemën e policisë, që sigurojnë kushte për kryerjen e një vrasje thanë burimet. Mësohet se blutë kanë shpallur në kërkim dhe pronarin e servisit, babai i të shumëkërkuarit që mbajnë të dy të njëjtat iniciale, Florenc Çapjas.
Babai i Florenc Çapjas do akuzohet për veprat penale “Mbajtja pa leje e armëve, armëve shpërthyese dhe municionit”, “Mbajtja pa të drejtë e uniformës” dhe “Sigurimi i kushteve dhe i mjeteve materiale për të kryer vrasje”.
Policia thotë se kontrolli u krye në vijim të punës për zbardhjen dhe dokumentimin e plotë, me prova ligjore të ngjarjeve kriminale të ndodhura më parë.
