Çmimi Nobel për Paqe këtë vit është ndarë mes dy personave. Sipas The Nobel Prize çmimi u është dhënë Maria Ressa dhe Dmitry Muratov, për përpjekjet e tyre për të mbrojtur lirinë e shprehjes. Maria Ressa kla fituar çmimin pasi ka përdor lirinë e shprehjes për të ekspozuar abuzimin me pushtetin, përdorimin e dhunës dhe rritjen e autoritarizmit në vendin e saj të lindjes, Filipine, ndërsa Dmitry Muratov ka mbrojtur për dekada lirinë e fjalës në Rusi.
Njoftimi i ekipit të Nobel:
Komiteti Norvegjez i Nobelit ka vendosur t’i japë Çmimin Nobel për Paqe për vitin 2021 Maria Ressa dhe Dmitry Muratov për përpjekjet e tyre për të mbrojtur lirinë e shprehjes, e cila është një parakusht për demokracinë dhe paqen e qëndrueshme. Ressa dhe Muratov po marrin Çmimin e Paqes për luftën e tyre të guximshme për lirinë e shprehjes në Filipine dhe Rusi. Në të njëjtën kohë, ata janë përfaqësues të të gjithë gazetarëve që qëndrojnë për këtë ideal në një botë në të cilën demokracia dhe liria e shtypit përballen me kushte gjithnjë e më të pafavorshme.
Deri më tani janë dhënë çmimet Nobel për Letërsi, Kimi, Fizikë dhe Mjekësi ndërkohë pritet të jepet edhe çmimi në Ekonomi.
