Ndërkohë që në Tiranë mbahej protestë kundër iniciativës ‘Open Balkan’ dhe vizitës Aleksandër Vuçic në Shqipëri, kryeministri Edi Rama po zhvillonte një takim në Elbasan me Vuçiç dhe Zaev.
Kryeministri dhe dy liderët e Serbisë dhe Maqedonisë së Veriut kanë diskutuar në një darkë jo zyrtare pritshmërinë për ‘Open Balkan’.
“Diskutime të rëndësishme se si të vazhdojmë progresin, lidhjet dhe bashkëpunimin e shpejtë dhe të fortë”, shprehet Vuçiç.
Rama,Vuçiç dhe Zaev para darkës në restorantin e Gjergj Lucës në Elbasan shihen të ulur përballë një tryeze mbi të cilën qëndron një tavolinë shahu.
Përveç tre liderëve të vendeve që deri tani janë bërë pjesë e iniciativës ‘Open Balkan’ në takim ka marrë pjesë dhe Dimitar Kovaçevski që pritet të jetë pasardhësi i Zeav si kryeministër i RMV dhe LSD.
