Pas daljes nga shtëpia e “Big Brother Vip”, Donaldi ka pasur një rrugëtim të bukur plot suksese, ku nuk është ndalur në asnjë moment. Ai i është futur botës së muzikës ku ka mbajtur disa koncerte përkrahë vëllait të tij dhe Elgit Dodës.
Së fundmi, Donald Veshaj, ka nisur tashmë një format të ri televiziv të quajtur “Më lër të flas” ku është në rolin e prezantuesit bashkë me vëllain e tij Romeon.
Gjithashtu, së fundmi ka qenë shumë i përfolur për ndarjen nga Beatrix Ramosaj, e po ashtu edhe për marrëdhënien me ish-partneren e tij, Bora Zemanin.
Me anë të disa postimeve që kishte bërë në rrjetin social Instagram, ai në një mënyrë tregoi se po tenton ta rifitojë sërish dashurinë e yllit të “Përputhen”.
Sidoqoftë, moderatori bëri një deklaratë mbrëmë e djeshme në emision dhe u shpreh se është beqar.
“Jo, jam vetëm. Realisht jam vetëm. Për mua e di e gjithë Shqipëria që jam vetëm.”
Donaldi nisi një romancë të re dashurie në “Big Brother VIP” me artisten shqiptare, Beatrix Ramosaj, me të cilën u nda menjëherë pas përfundimit të edicionit të parë. Ai gjithashtu u komentua shumë për raportin me Borën dhe të njëjtit ishin në lidhje prej më shumë se tri vitesh.
