Kuvendi miratoi sot me votat e socialistëve të Kryeministrit Edi Rama disa ndryshime në ligjin “Për zonat e mbrojtura”, të cilat sipas ekspertëve, i hapin rrugën betonizimit të parqeve dhe zonave më të vyera të natyrës shqiptare.
Lidhur me miratimin e ligjit ka reaguar ish-Kryeministri Sali Berisha, sipas të cilit në Parlament votuan trafikantët e kullave.
“Sot në Parlament nuk votuan deputetët. Sot votuan trafikantët e drogës që shëmtojnë Tiranën me monumentet e drogës dhe korrupsionit. Me kullat e drogës dhe korrupsionit dhe që fryjnë me qindra milionë euro kontot bankare të Edi Ramës.
Sot u vendos që barbaria e tyre të vërshojë drejt trashëgimive tona qindra e mijëra vjeçare. Drejt parqeve tona.
Po pse? Vetëm e vetëm se Edi Rama në çdo ndërtim, në çdo leje merr përqindjen e tij.
Imagjinoni një kryeministër në botë që firmos leje ndërtimi si për kullën 70-katëshe, edhe për ndërtesën dykatëshe të Karlo Bolinos. A ekziston kund në botë kjo? Ekziston vetëm aty ku gjithçka bëhet në funksion të xhepit të tij.
Sepse prapa firmës së tij, siç flitet rëndom, qëndrojnë të paktën 30 përqind e ndërtimit. Në 10 kate, tre kate. Në 30 kate, 10 katet e Ramës.
Kur bëhen 60, fut 20-katëshin në xhep.
Por ai nuk lejon komisionet hetimore sepse ata do nxjerrin të gjitha këto në dritën e diellit”, tha Berisha.
Në vijim ai shtoi se në një vend ku nuk ka drejtësi, duhet prokurori publik, gjykatësi publik.
“Prokurori publik, sigurisht nuk ka fuqi t’i dërgojë kriminelët ku e kanë vendin. Por prokurori publik nga kjo tribunë, nga kjo platformë, ka të gjithë fuqinë morale për t’i varur ata në shtyllën e turpit të kombit shqiptar, në mënyrë figurative.
Ka të gjithë forcën për t’u bërë atyre gjyqin moral. Për t’i bërë Edi Ramës, gjyqin që meriton.
Njeriut, i cili ka pushtuar parlamentin me Lindën e tij. E përdor atë si një strofull të interesave të klaneve më kriminale”, tha Berisha.
Kuvendi miratoi sot me votat e socialistëve të Kryeministrit Edi Rama disa ndryshime në ligjin “Për zonat e mbrojtura”, të cilat sipas ekspertëve, i hapin rrugën betonizimit të parqeve dhe zonave më të vyera të natyrës shqiptare.
Lidhur me miratimin e ligjit ka reaguar ish-Kryeministri Sali Berisha, sipas të cilit në Parlament votuan trafikantët e kullave.
“Sot në Parlament nuk votuan deputetët. Sot votuan trafikantët e drogës që shëmtojnë Tiranën me monumentet e drogës dhe korrupsionit. Me kullat e drogës dhe korrupsionit dhe që fryjnë me qindra milionë euro kontot bankare të Edi Ramës.
Sot u vendos që barbaria e tyre të vërshojë drejt trashëgimive tona qindra e mijëra vjeçare. Drejt parqeve tona.
Po pse? Vetëm e vetëm se Edi Rama në çdo ndërtim, në çdo leje merr përqindjen e tij.
Imagjinoni një kryeministër në botë që firmos leje ndërtimi si për kullën 70-katëshe, edhe për ndërtesën dykatëshe të Karlo Bolinos. A ekziston kund në botë kjo? Ekziston vetëm aty ku gjithçka bëhet në funksion të xhepit të tij.
Sepse prapa firmës së tij, siç flitet rëndom, qëndrojnë të paktën 30 përqind e ndërtimit. Në 10 kate, tre kate. Në 30 kate, 10 katet e Ramës.
Kur bëhen 60, fut 20-katëshin në xhep.
Por ai nuk lejon komisionet hetimore sepse ata do nxjerrin të gjitha këto në dritën e diellit”, tha Berisha.
Në vijim ai shtoi se në një vend ku nuk ka drejtësi, duhet prokurori publik, gjykatësi publik.
“Prokurori publik, sigurisht nuk ka fuqi t’i dërgojë kriminelët ku e kanë vendin. Por prokurori publik nga kjo tribunë, nga kjo platformë, ka të gjithë fuqinë morale për t’i varur ata në shtyllën e turpit të kombit shqiptar, në mënyrë figurative.
Ka të gjithë forcën për t’u bërë atyre gjyqin moral. Për t’i bërë Edi Ramës, gjyqin që meriton.
Njeriut, i cili ka pushtuar parlamentin me Lindën e tij. E përdor atë si një strofull të interesave të klaneve më kriminale”, tha Berisha.
