Redjan Raja, nipi i deputeti socialist Rrahman Rraja i ka bërë rekurs vendimit të Gjykatës së Apelit të Posaçëm për izolimin e tij në regjimin e posaçëm 41 bis, burg i sigurisë së lartë.
Pritet që çështja tashmë të shqyrtohet nga anëtarët e gjykatës së Lartë ku Rrahja i dyshuar se mori pjesë në atentatin ndaj ish prokurorit
34-vjeçari i njohur me pseudonimin “Dara” për shkak të profesionit si stomatolog, akuzohet nga prokuroria si një nga atentatorët ndaj prokurorit Arjan Ndoja, që mbeti i plagosur më 1 nëntor 2019 në mbikalimin e Shkozetit, teksa ishte në makinë me Landi Muharremin, një person me precedentë penalë, dhe shoferin e tij Andi Maloku, i cili ndërroi jetë në spitalin e Traumës.
Në makinën që autorët braktisën por që nuk mundën të djegin pasi dyshohet të mos u jetë hapur bagazhi ku kishin shishet me benzinë, u gjetën ndër të tjerë një palë syze mbi të cilat pati gjurmë gishtërinjsh që i korrespondojnë Redjan Rrajës, nga Nikla e Fushë-Krujës.
Kujtojmë se rreth dy muaj më parë Prokuroria e Posaçme Kundër Korrupsionit dhe Krimit të Organizuar ka vendosur sekuestrimin e pasurive së Redjan Rrajës dhe familjarëve të tij.
