Policia e Tiranës ka arrestuar një 34-vjeçar, pasi kishte thyer masën e sigurisë “arrest me burg”. Ai është kapur duke qarkulluar me armë.
Në pranga është vënë I. K., 34 vjeç, banues në Tiranë.
Sipas policisë, në rrugën “Hoxha Tahsim”, shërbimet e Policisë kanë ndaluar shtetasin I. K., të cilit gjatë kontrollit fizik, i gjetën dhe i sekuestruan, në cilësinë e provës materiale, një armë zjarri pistoletë, krehër dhe municion luftarak.
Materialet i kaluan Prokurorisë, për veprime të mëtejshme procedurale.
