Asht e pa besueshme po e vërtetë se matchi që u ba të djelën e kaluese në Shallvare në mes të skuadrës përfaqësuese të Gymnazit Shtetnuer të Tiranës dhe Sport- Club- Tiranës, u regjistrue nji nga ndeshjet ma interesant që asht bam deri tash këtue në kryeqytet.
Kjo padyshim do të mos besohet aq me siguri prej atyne të paktve që nuk u ndodhën në fushë dhe të qyteteve të tjerë të Shqipnis, por në realitet kështue asht. Mandej shtojmë se në forma- ciont t’ë skuadrave që regjistrojmë katu ma poshtë, shifej mjaft mirë se nuk pritej veçse ndonji ndeshje e llojit që shënojmë, për arsye që të dyja anët për- baheshin prej lojtarësh Kampiona.
Formasjoni i Gymnazit: A.Sheri, R.Hima, S.Lleshi, S.Protopapa, J.Keçi, F.Pazari, M.Përirels, H.Begeja, L.Jakova, Q.Dibra, H.Mehmeti.
Sport-Clubi: R.Gurashi, S.Çoku, Jolldashi, Kusi, Karrapici, Kusi II, Stërmasi, Reka, Hjnal, M.Gurashi, Zaharija.
Si shifet të dyja skuadrat ishin mjaft t’organizueme, prandaj loja paraqitej interesante. Ndryshimi është që matchi u ba shumë ma tepër interesant sesa pandehej. Njimbdhetshi i Gymnazit, ndo- nëse këtë radhë u paraqitë me dy lojtarë të rinj, J.Keçi e Pazari, asgjë mangut dijti me zhvillue nji lojë me teknikën ma të plotë, aq sa mundemi me thanë se asnjë skuadër shqiptare deri tash nuk e ka tregue teknikën e Gymnazit. Vija sulmuese, Përtrela, Begeja, Jakova, Q.Dibra e Mehmeti, ka qenë n’armoni të plotë; sulmet u banë me një mjeshtri të rrallë, me gjithë veprimin e madh të Karrapicit, Kusit, Jolldashit, Sabitit që mprojshin portën e Sport Clubit. Port- ieri, përveç bashkëpunimit në mes të përbasëve të sajë, u ndihmue nga mprojtja e fortë e skuadrës së tyre, e cila e përbamë prej, Sheri, Hima, Protopapa, Keçi, Pazari, asgjësoj sulmet mjaft të rrepta të vijës sulmuese të Sport – Clubit, Stermasi, Reka, Hajnal, M.Gurashi, Zaharija. Pra, si lojë skuadra përfaqsuese e gymnazit la përshtypjen ma të mirë në popullin e shumtë aq sa shum vetë theksuan kjo skuadër meriton me dalë, ashtu komplet në Kampjonatin Kombtar.
Skuadra e Sport- Clubit në pikëpamje zelli e gjallnije, nuk kursejë gja, dhe në kohën e dytë gjallni e transformoj në nji materjalizëm të plotë, gja kjo që i habit të gjithë, pse kjo sjellje nuk asht bam as kundra skuadrave të qyteteve tjerë e jo të bahej kundra nji skuadre, elementat e së cilës janë sakrifikue në çdo rast për famën e Shoqatës që përfaqëson kryeqytetin. Edhe na, si spektatorë, vendosën që t’i kritikojmë haptas ato lojtarë, por në fund mejtuem se do ishte ma mirë me u rezervue mbas ndeshjes tjetër që do të bahet të djelën e ardh- shme. Serioziteti dhe disiplina e matchit qe në kulm, vepër kjo që i detyrohet arbitrit z. S.Bernardo, i cili me plot pasion asht tue kontribue për naltësim të sportit shqiptar; djelmënija asht kundrejt z. së tij mirnjoftëse dhe e lut që gjithnji të vazhdoj aktivetin e vet Lëvdues. Loja filloj n’orën 3 pa 15, në nji kohë të përshtatshme, e cila lejojë që të zhvillohej nji lojë e mirë. Koha e parë e matchit përfundoi (0-0).
Gazeta “Besa” 8 mars 1933.
__________________________
Shkëputur nga libri i Sokol Shametit me titull “Udhërrëfyes i Reportazhit Shqiptar 1912 – 2011” faqe 123-124.
Foton e kam pa në mos gabofsha tek Faruk Sferdelli në vitin 2013.
* Marrë nga faqja e Marsida T. Najdeni
