Që nga dita e sotme terminali i autobusëve të Jugut dhe të Veriut do të jenë tek “Kthesa e Kamzës”.
Lajmin e bën të ditur Bashkia e Tiranës e cila ka deklaruar se terminali i ri ofron më shumë vende qëndrimi për autobusët.
Banorët ankohen për vështirësitë e transportit nga Kamza drejt qendrës së Tiranës Bashkia sqaron se janë marrë masat për lehtësimin e lëvizjes së qytetarëve brenda qytetit përmes transportit urban.
Terminali i ri do të jetë në shërbim të 43 linjave të zonës së jugut dhe 20 linjave të zonës së veriut, duke sjellë kushte më të mira dhe lehtësi në qarkullim.
‘Ka një hapësirë më të madhe sesa ish-Dogana, do të sistemojë 63 vend-poste dhe stacione për autobusët e veriut dhe jugut, ndërkohë që juglindja do të vazhdojë të shërbehet nga Qyteti ‘Studenti’ dhe parkingu i madh atje. E jo vetëm kaq, por kemi edhe 4 linja autobusi urban që do kenë një stacion ngjitur me terminalin e autobusëve; pra, linja e ‘City Park’, e Kamzës, linja e Institutit dhe ‘Tirana e Re’, të katërta do të ndalojnë aty, për t’i çuar pasagjerët në drejtimin që duan në Tiranë, duke shmangur edhe kaosin që ndodhte tek ‘Shqiponja’, u shpreh Veliaj
