Në mbledhjen e radhës të Këshillit të Ministrave janë vendosur ndryshime në qeveri. Në mbledhjen e kryesuar nga zv.kryeministri, Arben Ahmetaj në mungesë të kryeministrit Rama jepet urdhri për emërimin e mjekes infeksioniste Entela Ramosaçaj, si zëvendësministre të Shëndetësisë dhe Mbrojtjes Sociale.
“Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Znj. Entela Ramosaçaj emërohet zëvendësministër i Shëndetësisë dhe Mbrojtjes Sociale.
Ky vendim hyn në fuqi menjëherë.”-shkruhet në vendim.
