Kompania ajrore “Wizz Air” vazhdon me anulimet e fluturimeve pa paralajmërim. Fluturimi W6 6614 i planifikuar për sot 2 korrik nga Hamburgu në Tiranë është anuluar.
Avioni ishte parashikuar të nisej nga Hamburgu në orën 15:10 të pasdites dhe do të mbërrinte në Rinas në 17:40. Me dhjetëra shqiptarë që kishin prerë biletën për të ardhur në atdhe nuk e kanë pasur të mundur.
Një prej tyre tregon se kishte udhëtuar me makinë 5 orë për në Hamburg, kishte bërë check in dhe sapo bëhej gati për kontroll fizik janë njoftuar për anulimin e fluturimit.
