Deputeti dhe kryetari i Partisë Bashkimi Demokristian Shqiptar, Eduart Ndocaj ka deklaruar se edhe pse është pjesë e opozitës, forca politike që ai drejton do të dalë e vetme në zgjedhjet e 25 qershorit.
Kryetari i kësaj partie, Eduart Ndocaj tha në një deklaratë për mediat, se PBDKSH do të ketë kandidatë në të gjitha qarqet, nëse ai nuk futet në listat fituese të PD.
“Kjo është një kosto për opozitën dhe PD, pasi ne do dalim me kandidatë në të gjitha qarqet e vendit. Ne i kemi dhënë propozimet tona dhe presim përgjigje përfundimtare. Kërkojmë që të trajtohemi si partitë e tjera parlamentare me kryetar në listat fituese”- ka thënë Ndocaj.
