Një tifoz kinez, i cili kishte shkuar të shikonte ndeshjen Napoli-Barcelona, është ngritur në këmbë dhe ka bërtitur me të madhe “Nuk jam me koronavirus”.
Nisur nga paragjykimet dhe shikimet dyshuese ndaj çdo kinezi, tifozi aziatik e ka parë të arsyeshme të ngrihej dhe të bërtiste me të madhe.
Ai tha se kishte qëndruar në Itali pas shpërthimit të koronavirusit dhe nuk kishte lëvizur në asnjë vend tjetër.
Gjithashtu shtoi se i kishte bërë kontrollet dhe kishte dalë që nuk ishte i infektuar.
Tifozët e pranishëm e kanë duartrokitur veprimin e tij.
