Policia belge ka arrestuar 6 shtetas shqiptarë për akuzën e kultivimit të bimëve narkotike.
Mësohet se shtetasit e moshës 21 deri 43 vjeç kishin marrë me qira një banesë në bashkinë e vogël të Lintit në provincën e Antverpit.
Banorët vendas kanë denoncuar në polici duke u shprehur se kur kalonin në afërsi të banesës së shtetasve shqiptarë vinte një erë e fortë marijuhane.
Në momentin e arrestimit gjashtë shqiptarët ishin duke punuar në plantacionin e sajuar të bimëve narkotike.
Në banesën e tyre, policia gjeti të paktën 4.200 rrënjë kanabisi dhe aparatura profesionale për rritjen e bimëve narkotike.
