Njeriu më i vjetër në botë, Chitetsu Watanabe, ka humbur jetën ditën e djeshme në moshën 112 vjeçare.
Watanabe, jetonte në një shtëpi pleqsh në Nigata. Ai lindi në 5 Mars 1907. Watanabe kishte marrë edhe çmimin “Guinnes”, si burri më i vjetër në botë. Ky çmim iu dha më 12 shkurt të këtij viti.
Lajmi për vdekjen e japonezit 112-vjeçar është bërë me dije nga zyrtarët e Organizatës “Guinnes” si dhe nga familjarët e tij.
Sipas mediave të huaja bëhet me dije se 112 vjeçari, prej disa ditësh ishte sëmurë dhe nuk konsumonte asgjë dhe kishte problem me frymëmarrjen.
Burri më i vjetër në botë ka lënë pas 4 fëmijë, 12 nipa dhe 16 stërnipër.
