Ka ndërruar jetë kryepeshkopi arbëresh Sotir Ferrara më moshën 80 vjeçare.
Imzot Sotir Ferrara udhhoqi për afro 25 vjet komunitetin arbëresh të Sicilisë si dhespot (ipeshkëv) i Eparkisë së Horës së Arbëreshëve.
Çfarë shkruan Zef Chiaramonte:
Para 5 vjetësh qe tërhequr nga detyra baritore e drejtimit të komunitetit eparkial kishtar për arsye shëndetësore, por gjithnjë duke mbetur në dispozicionin e Eparkisë, sidomos gjatë kohës së administratës të jashtëzakonshme të saj që i parapriu emërimit të dhespoti të ri.
Imzoti qe profesor i matematikës në shollat publike, protosinçel (vikar i përgjithshëm) i Eparkise dhe studiues i përpiktë dhe mjeshtër i melurgjisë bizantine të traditës arbëreshe.
Lajmi i vdekjes u shpall në Katedralen e Horës së Arbëreshëve mu në mbarim të ceremonisë së përshpirtshme që mbahet çdo vit pranë trupit të shërbëtorit të Hyjit Atë Gjegj Guxeta, me rastin e përvjetorit të kalimit të tij në amshim. Liturgjia e Shenjtë e funeralit kremtohet sot në Katedralen e Shën Dhimitrit në Katedralen e Horës së Arbëreshëve.
