Ish-presidenti francez Jasques Chirac, ka ndërruar jetë në moshën 86 vjeçare.
The Guardian raporton se ish-presidenti francez ka vuajtur nga humbja e kujtesës, një formë e Alzheimerit, shenjat e para të së cilës i ishin shfaqur që prej kohës kur ishte ende në detyrë.
Chirac ka mbajtur për dy mandate postin e presidentit të Francës nga viti 1995 deri në vitin 2007, ndërsa më pas mbi të janë hedhur dhe akuza për akte korruptive.
Po ashtu ai ka shërbyer për dy mandate si kryeministër, dhe 18 vite si kryetar i Bashkisë së Parisit, duke u shndërruar në një nga politikanët me karrierën më të gjatë në Francë.
Chirac do të mbahet mend ndërkombëtarisht për kundërshtimin e fortë të Francës ndaj pushtimit të Irakut të udhëhequr nga SHBA-të në vitin 2003, kur vlerësimet për qëndrimin e tij anti-luftë në Francë u rritën në 90%.
Chirac do të mbahet mend mbi të gjitha si një mjeshtër në artin e joshjes politike. Për dekada të tëra ai ka magjepsur publikun me shtrëngimin e tij të pafund të duarve, si dhe dashamirësinë ndaj kafshëve.
