Ka ndërruar jetë aktorja amerikane Debbie Reynolds një ditë pas vdekjes së vajzës së saj, po ashtu aktore e famshme, Carrie Fisher. Lajmi për vdekjen e Reynolds u dha nga djali i saj Todd Fisher duke lajmëruar vdekjen e nënës së tij tha se ajo ishte tashmë me Carrien, ndërsa kishte lënë familjen me zemër të thyer.
Mediat raportojnë vdekjen e 84-vjeçares pasi ka pësuar një goditje në zemër. Ajo u dërgua në një spital të Los Angeles por nuk arriti të qëndronte në jetë. Ndërsa të martën vdiq pas një arresti kardiak në një avion edhe vajza e saj Carrie Fisher.
Vajza e saj, Carrie Fisher, e njohur për rolin e “Princeshës Leia” në serinë “Star Wars”, ndërroi jetë të martën në moshën 60-vjeçare pas një infarkti.
Homazhet për Reynolds kanë ardhur nga e gjithë bota e artit dhe fansat e shumtë, duke pasuar ato të një dite më parë për vajzën e saj të ndjerë. Reynolds ishte gjithnjë aktorja protagoniste në muzikorët e suksesshëm të Hollivudit në vitet ‘50-‘60.
