Ka ndërruar jetë në moshën 66-vjeçare aktorja e njohur e kinematografisë shqiptare, Hajrie Rondo.
Bëhet me dije se Rondo është ndarë nga jeta vetëm pak minuta më parë, në Himarë, ndërsa lajmin e ka konfirmuar e bija e aktores.
Hajrie Rondo iu nënshtrua një operacioni në kokë, pak kohë pasi fitoi luftën e mundimshme me sëmundjen e kancerit. Aktorja u vlerësua pak muaj më parë me çmimin “Simboli i Qytetit” nga kryebashkiaku Erion Veliaj.
Hajrie Rondo është një aktore e mirënjohur shqiptare. Ka lindur më 1 mars 1951 në Delvinë.
Hajrie Rondo ka interpretuar në të gjitha gjinitë, me rreth 120 role në teatër dhe rreth 40 role në filma, mes të cilëve mund të përmendim filmin tepër të njohur për shqiptarët “14 vjeç dhëndër”.
