45-vjeçarja e cila ndërroi jetë nga koronavirusi vuante nga disa sëmundje bashkëshoqëruese si astma, diabeti, tensioni dhe problemet me zemrën.
Mësohet se ajo ishte paraqitur në spitalin Rajonal të Beratit për të marrë mjekim për astmën. Kur gjendja e saj është përkeqësuar, ajo është dërguar në spital në Tiranë, ku dyshohet të jetë infektuar.
Raporetohet se 45-vjeçarja jetonte në lagjen “Donika Kastrioti” në Berat, ndërsa la pas dy djem.
Ditën e sotme ISHP konfirmoi një tjetër viktimë nga koronavirusi, një 80-vjeçar nga Kruja. Deri më tani ka shkuar në 81 numri i viktimave nga Covid-19 në vendin tonë.
