Teksa bota po mban frymën për shkak të sulmeve që Rusia nisur kundër Ukrainës, kryeministri Edi Rama ka mendjen tek kanabisi.
Kryeministri Edi Rama ka folur ditën e sotme për legalizimin e kanabisit për qëllime mjekësore, pyetje e bërë dhe në këshillimin kombëtar gjatë bashkëbisedimit sot me qytetarët në Dibër.
Gjatë fjalës së tij, Rama e mbrojti si ide legalizimin si lëndë bazë për farmaceutikën dhe tha se krijon punësim e sjell të ardhura.
“Legalizimi i kanabisit për qëllime mjekësore do shtojë të ardhurat në buxhet dhe ekonomi, krijon zë në eksport dhe krijon më shumë të ardhura dhe punësim. Por duke patur parasysh historikun dhe shumë ç’ka tjetër, ne duhet të mendohemi dy herë para te ta marrim këtë vendim, prandaj e kemi ndarë me qytetarët“, u shpreh Rama.
Ai gjithashtu shpjegoi dhe pse partnerët ndërkombëtarë janë kundër kësaj ideje.
“Ndërkohë që partnerët janë skeptik për këtë çështje. Ata nuk jetojnë këtu, ata jetojnë, por s’janë të lidhur me buxhetin tonë dhe për pensionin që do marrin shtetasit dhe për ta është më e lehtë të thonë: mos bëhemi me dhimbje koke dhe mos i hyjmë fare”, theksoi ai.
