Kreu i PPA, Agron Duka, ka reaguar në lidhje me lajmin e trishtë për ndarjen nga jeta të ish-presidentit Bujar Nishani. Përmes një postimi në Facebook ai shpreh keqardhje për këtë lajm të kobshëm, ndërsa shprehte se vendit dhe politikës do t’i mungojë një burrë i mençur.
“Sapo u njoftova me një lajm shumë të hidhur. Ish-Presidenti i Republikës së Shqipërisë, Bujar Nishani u nda nga kjo jetë. Një dhimbje shumë e madhe që nuk do të kemi më midis nesh burrin e mençur, kolegun, mikun tonë të respektuar Bujar Nishani. I shpreh ngushëllimet e mia të sinqerta familjes së tij, të afërmve, miqve dhe shokëve. Shpirti yt pushoftë në paqe. Lamtumirë mik”, shkruan ai. Bujar Nishani humbi jetën pas një sëmundje të rëndë në mushkëri.
