Nga: Erjon Braçe
Kjo që po ndodh është e tepërt!! (për të ruajtur etikën po e lë me kaq, por shumë më tepër se kaq)
Të sulmosh pa pushim kolegët deputetë për gjëra që kurrë nuk po ndodhin, e ka një shembull, por të papranueshëm gjithnjë. Unë e ne, po emërojmë delegatët e Kongresit?
Po si po e bëjme? Ku po e bëjme? Ose meqë po tregohet plot arrogancë si e kryer, ku e kemi bërë? Anëtarët e Kongresit zgjidhen me votë të fshehtë, përmes parimit “një anëtar, një votë”; kërkund, po e perseris, kerkund nuk jane mbajtur ende zgjedhjet. Atehere, si unë e në, për më tepër ministrat, i kemi caktuar delegatët? Unë e respektoj ambicien, por e refuzoj shpifjen ndaj kolegeve!!
Të shtunë, në qarqet Fier, Berat, Elbasan e Korce, mbahen zgjedhjet në anetaresinë e Partisë për anetarët e Kongresit. Unë do të jem si monitorues i rregullshmërisë së tyre në zonën time; Po ti ku do të jesh? A do marrësh pjesë në to? Këto janë zgjedhjet për Partinë e për to jemi angazhuar të gjithë. Nuk mund të jenë të tilla veç zgjedhjet ku zgjidhem unë, ti apo cilido nga ne ofiqarët në Parti.
Jooo, për mua zgjedhja e ofiqarëve ka pak rëndësi; Zgjedhjet e Partisë janë jetike. I ftoj të gjithë të shtunën jo vetëm të votojnë, por edhe të garantojne çdo votë në këtë Parti. Kemi ndërtuar një proces plot mund; Kemi riregjistruar cdo anëtar partie-kushdo që bën vëzhguesin e jo punëtorin në Parti, mund të ngjitet në zyrën e organizimit në PS të shohë për herë të parë rregjistrin elektronik të anëtarësisë; Kemi anëtarësuar të rinj e të reja, burra e gra në organizatat tona-cilindo që bën sehir e jo punë në Parti, e ftoj të vij e të shohë organizatat në Gradishte, Remas e Grabian, të pyesë të rinjtë e të rejat aty, nëse i ka marrë kush me dhunë anëtarë apo jo, madje madje ti pyesë nëse të tillë janë bërë për një punë apo për besim, besim tek puna e kryer e tek kjo Parti;
Kemi zgjedhur drejtuesit e cdo organizate, me votim të fshehtë e alternative-këdo që quan zgjedhje vec rastin kur emërohet vetë, e ftoj të vijë në cdo organizate në Grabian, Gradishte, Remas, Cermë, për të pyetur e mesuar se si të rinj e të reja, aktivë në fushatat tona janë zgjedhur me votë kryetarë të organizatave duke rigjeneruar strukturën bazë të Partisë.
Kjo është punë, punë e bërë nga të gjithë bashkë në parti. Po po në parti, as në Rogner e as në Sheraton. Ne ane tjeter, e dine te gjithe, une jam kritik vete me Qeverine. Por po e them ketu;
Të kritikosh është ndryshe nga të shpifësh-kështu e mendoj unë; të kritikosh në fillim duhet të dish. Unë nuk di e nuk arrij ta kuptoj se si koncesionohet paraja!!As shtypja e parave nuk koncesionohet!!
Sipas ligjit koncesionohen shërbimet, burimet natyrore etj-për to jam gati të degjoj argumenta, por mbi të verteta, fakte e kontrata;
Paraja jo! E kam dëgjuar këtë nga një klub banal në PD dhe refuzoj ta degjoj si akuzë ndaj meje, ndaj nesh, ndaj kolegeve. Sepse nuk ka ndodhur, sepse nuk është e vërtete, sepse është batutë, jo fakt, si përherë.
U bë transparencë e gjatë në grup për koncesionet, sy me sy e ballë për ballë; jo vetëm që nuk pati pyetje, por nuk dëgjova nga kush një fakt, një prove, një argument, përveçse kësaj batute për koncesionet.
Qëndrim politik apo ideologjik të argumentuar, jo e jo. Thjesht një batutë!! Ndaj them që kjo që po ndodh është e tepërt!!
Tani u bë boll!!
