Bota e modës është në zi pasi është ndarë nga jeta një nga stilistet më të famshme të kohës, Carla Fendi.
Krijuesja e markës “Fendi” u shua në moshën 80-vjeçare ndërkohë që ishte e sëmurë prej kohësh në Romë.
Carla Fendi e kishte të lidhur jetën e saj me markën historike ku për suksesin ka kontribuar bashkë me katër motrat. Bashkë me motrat kishte punuar për një kohë të gjatë për projektimin pranë Karl Lagerfeld.
Mjaft e apasionuar pas artit e muzikës, bashkë me të shoqin Candido, në 2007 krijuan fondacionin Carla Fendi, që punon në veprimtarinë e patronazhit me qëllim mbështetjen e artit dhe artizanatit.
