Mbrëmjen e djeshme gazetari i njohur Sokol Balla, përjeton në këtë kohë të vështirë humbjen e njeriut të shtrenjtë.
Mjeshtri i Madh, kameramani i njohur i RTSH-së, Lulzim Balla, është ndarë nga jeta ditën e djeshme në moshën 73-vjeçare pas luftës disavjeçare me një sëmundje të rëndë. I ati i gazetarit të njohur Sokol Balla, një nga figurat që ka shënuar emër në Televizionin Shqiptar, vuante prej 5 vitesh, por luftën me sëmundjen nuk e fitoi dot.
Ballës megjithëse dje i vdiq i ati, nuk harroi detyrën e gazetarit, ku e udhëhoqi emisonionin në news 24. Detyra e gazetarit shpesh nuk pyet për jeten private.
Nuk ka munguar dhe një mesazh i ndjerë nga Sokoli, i cili shkruan se ndarja me babain ishte e dhimbshme.
“Ndarja me babain, e dhimbshme dhe e qetë. Faleminderit për atë që bëri për mua. Nëse mendoni se kam diçka të mirë, ju siguroj e kam prej tij. Sa për vizitat: Është kohë pandemie. Jam i sigurt që Lul Balla do jetë në lutjet tuaja në distancë. Të gjallët takohen edhe më vonë. Të ruajmë distancën fizike, rëndësi ka afërsia shpirtërore.”,- shkruan Sokol Balla në mesazhin e tij.
