Prej më shumë se dy javësh zjarret po djegin sipërfaqe të mëdha toke në vendin tonë. Ushtria dhe forcat zjarrfikëse po përpiqen prej ditësh të shuajnë flakët, ndërkohë që vazhdimisht është lëshuar apeli për të mos ndezur zjarre në pyje, pasi rrezikohet natyra.
Eden Jauri është një 10-vjeçare, e cila në video shfaqet tejet e irrituar, për faktin se nga pas krahëve të saj sheh malet teksa digjen.
Nga Rruga e Kombit, në afërsi të traut, Eden bën apel që kjo gjë të ndalojë menjëherë, pasi bota ku ne po jetojmë po na shkatërrohet menjëherë.
“Un quhem Eden Jauri, jam 10 vjeç edhe nuk mund të shikoj malet, jam shumë e mërzitur edhe e inatosur, se si digjen malet aty. Natyra po shkatërrohet, gjithçka po shkatërrohet, bota po na shkatërrohet, kjo gjë duhet të ndalojë menjëherë”, thotë ajo.
