Një raketë balistike e lëshuar nga Iran ka hyrë në hapësirën ajrore të Turqisë dhe është neutralizuar nga sistemet e mbrojtjes ajrore të NATO, bëri të ditur Ministria turke e Mbrojtjes Kombëtare. Sipas deklaratës zyrtare, raketa u zbulua pasi hyri në hapësirën ajrore turke dhe u shkatërrua nga elementët e mbrojtjes ajrore dhe raketore të NATO-s të vendosur në rajonin e Mesdheut Lindor.
Ndërkohë, Departamenti i Shtetit njoftoi se ka pezulluar shërbimet konsullore në Turqinë jugore dhe u ka kërkuar punonjësve jo-thelbësorë diplomatikë dhe familjeve të tyre të largohen nga zona për shkak të rreziqeve të sigurisë. Sipas njoftimit, Konsullata e Përgjithshme e SHBA-së në Adana ka pezulluar përkohësisht të gjitha shërbimet konsullore.
Njoftimi vjen pas neutralizimit të një rakete të lëshuar nga Irani, e cila u kap dhe u shkatërrua në Gaziantep, në jug të Turqisë.
“Më 9 mars 2026, Departamenti i Shtetit u dha udhëzime punonjësve jo-thelbësorë të qeverisë amerikane dhe anëtarëve të familjeve të tyre që të largoheshin nga Konsullata e Përgjithshme në Adana për shkak të rreziqeve të sigurisë. Konsullata e Përgjithshme e SHBA-së në Adana ka pezulluar të gjitha shërbimet”, thuhet në deklaratë.
gijotina.com/
