Mbrëmjen e djeshme një nga naftëtaret e Ballshit ka tentuar të vrasë veten duke prerë damarët.
Kanë qënë shoqet e saj të cilat e kanë ndaluar atë që të kryente aktin. Naftëtaret e Ballsh ndodhen në ditën e 24-t të grevës së tyre, ndërkohë që gjendja shëndetësore e të gjitha grevisteve vijon të përkeqësohet.
Ato kërkojnë kthimin e pagave të prapambetura dhe gjetjen e një zgjidhjeje për familjet e tyre që ndodhen në vështirësi ekonomike.
Kryeministri Rama u ka bërë thirrje që të lënë grevën dhe të hyjnë në bisedime për gjetjen e dialogut të këtij problemi, që sipas tij nuk është qeveria shkaktare.
