Në 35-vjetorin e themelimit të Partisë Demokratike, Sali Berisha ka mbajtur fjalën e tij në ceremoninë e zhvilluar në selinë qendrore të PD-së.
Berisha u shpreh se PD është një parti e themeluar si e tillë në vendin e lirive dhe të drejtave të njeriut të ndaluara me Kushtetutë, duke e quajtur atë partia më e suksesshme në historinë e Shqipërisë.
“Të dashur miq, ne jemi nga ato më të paktat, partitë e këtij paneti që kanë ndarë epoka dhe kanë bërë histori që nga dita e parë e themelimit tonë.
Ne jemi partia që u themeluam si parti në vendin e lirive dhe të drejtave të njeriut të ndaluara me Kushtetutë.
Kurrë Shqipëria s’ka pasur një avokate të interesave të saj si Partia Demokratike. Ne jemi partia që në shtetin e parë ateist të botës rikthyem besimin te shqiptarët., më pak se një vit nga themelimi, arritëm të shembnim diktaturën e fundit komuniste, por dhe më të egër të Europë.
‘E duam Shqipërinë si gjithë Europa’, epoka që hapi pluralizmin në Shqipëri.
Por është një histori 35 vite më parë që tregon se çfarë partie e jashtëzakonshme që jemi, për të kujtuar dhe njëherë verat dhe idealet që kanë bërë PD-në forcën më të suksesshme që ka udhëhequr Shqipërinë dhe opozitën më të pamposhtur që ka parë Europa deri më sot.
35 vite më parë, në ditët e para të themelimit të PD-së, shumë të rinj na bashkoheshin. Mes tyre ishte dhe një djalë, diku te 26 vjeç, pedagog i arteve. Askush nuk do e mendonte që ai person, disa vite më vonë, do ktheheshe në fatkeqësinë më të madhe pas Enver Hoxhës. Ai është Edvin kristaq Rama. Dhe të gjithë e dinë që ai nuk rezistoi dot as disa orë në këtë parti. PD-ja ka një instikt të jashtëzakonshëm për të dalluar kush duhen. Mbështetësit tanë janë burra, djem, gra e vajza që janë bërë bashkë rreth idealeve për interesin kombëtar. Këto ideale bënë të mundur anëtarësimin e Shqipërisë në Këshillin e Europës, anëtarësimin në NATO, liberalizimin e vizave…”, tha ndër të tjera Berisha.
gijotina.com/
