Një notere ka rënë në prangat e policisë pasi akuzohet për vjedhje dhe shpërdorim detyre në Tiranë. Burimet bëjnë me dije se noterja e prangosur është Rezarta Koçi 40 vjeçe.
Sipas policisë, gjatë ushtrimit të detyrës në vitin 2021 ka shpërdoruar detyrën duke përvetësuar në mënyrë të kundërligjshme shuma të konsiderueshme monetare nga qytetarë të ndryshëm.
Në nëntor të vitit 2021, noteres në fjalë iu vendos tritol në makinë e saj “Range Rover”, ku asokohe u dyshua si paralajmërim. Ngjarja ndodhi në një ndër lagjet më të frekuentuara të kryeqytetit “Komuna e Parisit”, nga personave ende të paidentifikuar, ndërsa noterja rezultoi se kishte konflikte për çështje parash me disa persona, të cilët e kanë denoncuar në prokurori për mashtrim.
Në korrik të vitit 2019, Rezarta Koçi është kallëzuar penalisht nga I. Ç., për shpërdorim detyre dhe mashtrim, duke pretenduar se i ka përvetësuar një shumë parash, në lidhje me një pasuri të llojit hotel. Ky shtetas, bashkë me noteren, ka kallëzuar edhe Urim Pepën.
Në maj të vitit 2021, E. N. ka kallëzuar penalisht ka kallëzuar penalisht 40-vjeçaren Rezarta Koçin për fshehje të ardhurash dhe mashtrim, duke pretenduar se i ka përvetësuar një shumë parash, për një kontratë për shitje të një pasurie të paluajtshme. Në qershor të këtij viti, një tjetër person me inicialet E. Q., ka kallëzuar penalisht Rezarta Koçin për fshehje të ardhurash, mashtrim dhe mospagim taksash, duke pretenduar gjithashtu se i ka përvetësuar një shumë të konsiderueshme parash.
Në 9 korrik të këtij viti, për Rezarta Koçin është depozituar në prokurori një tjetër kallëzim penal, sërish për mashtrim dhe përvetësim parash. Kallëzimi i fundit është bërë nga një shtetase me inicialet P. Z. Këto konflikte paralele mund të jenë një nga pistat e vendosjes së lëndës plasëse në makinën e noteres, duke i dhënë kështu një mesazh, ndërsa vetëm ditën e sotme ajo është arrestuar për shpërdorim detyre.
