Këngëtari dhe moderatori i njohur Kastro Zizo, në një intervistë për Panorama Plus ka folur për kandidimin e tij për kryetar Bashkie në Përmet.
Ai shprehet se motoja që do të përdor gjatë fushatës për Bashkinë e Përmetit do jetë “Hani, pini dhe këndoni”.
Sipas Kastros në një vend të bukur si Përmeti, kjo është e gjë që mund të bësh.
I pyetur gjithashtu për programin dhe se si ka ndërmend të bëjë për vete banorët e Përmetit, pasi jeton në Tiranë, Kastro ka dhënë një përgjigje të prerë.
“Kur të vijë momenti do t’ju tregoj strategjinë time,” është shprehur ai.
Kujtojmë se Kastro Zizo kandidaturën për Bashkinë e Përmetit e ka bërë të ditur që në muajin nëntor të vitit të kaluar.
