Dy javët që lamë pas janë karakterizuar nga një mot kryesisht i kthjellët dhe pranveror edhe pse jemi në kulmin e stinës së dimrit, temperaturat e ftohta në vend nuk janë ndierë. Edhe këtë fundjavë pritet që të njëjtat temperatura dhe kushte atmosferike të karakterizojnë pjesën më të madhe të territoreve në vend, ku mesdita do të jetë me kthjellime e diell.
Por nga java tjetër, situata sinoptike pritet të ketë ndryshime. Nga dita e hënë duke vijuar edhe gjatë ditës së martë, do të ketë shtim të vranësirave deri në mbrëmje, ku pritet të kulmojnë reshjet e shiut. Ndërkohë, në vise malore priten reshje bore. Reshje të pakta bore natën në mes së martës e mërkurës priten edhe në vise mbi 700m lartësi mbidetare.
Temperaturat minimale luhaten ndërmjet -2C e 3C, e ato maksimale gradualisht zbresin përreth vlerave mesatare, nga 8C deri në 5C. Nga dita e hënë fryn erë e lehtë dhe mesatare nga juglindja 4-9m/s, dhe ditën e martë ndryshon drejtimin në veriperëndim. Shtypja atmosferike mbetet e lartë mbi vlera normale, e në fillim të javës pëson rënie.
