Një e moshuar është gjetur e pajetë në banesën e saj ditën e sotme. Viktima është identifikuar si Stamato Milo 88 vjeç, e cila mësohet se është gjetur e pa jetë nga infermierja e zonën, ndërsa dyshohet se e moshuara mund të ketë ndërruar jetë si pasojë e temperaturave të ulëta.
Autoriteti Rrugor Shqiptar ka bërë thirrje që drejtuesit e mjeteve në akset problematike, të marrin masat e duhura duke u pajisur me goma dimërore dhe zinxhirë, ndërsa problematik mbetet qarkullimi në Urën Zapodit-Shishtavec.
Moti i ftohtë ka sjellë probleme dhe në furnizimin me energji elektrike të disa zonave, për shkak dhe të erërave të forta. Raportohet se pa energji elektrike ndodhen disa fshatra në Lezhë, saktësisht zonat Zejmen dhe Kolsh. Gjithashtu, prej më shumë se 72 orësh disa zona të Dibrës nuk janë furnizuar me energji elektrike, konkretisht të gjithë fshatrat e Njësisë Administrative Zall-Dardhë raportohet se janë në errësirë dhe pa ngrohje përballë temperaturave të ulëta.
