“Nëse u jap bukë të varfërve më quajnë shenjt; nëse tregoj shkaqet pse nuk kanë bukë më quajnë komunist ose revolucionar.” (Dom Helder Camara – Brazil)
Kështu e akuzonin Ipeshkëvin brazilian Dom Helder Camara falangat e diktaturave të djathta të Amerikës Latine.
….
Në Shqipëri nuk të quajnë komunist, sepse komunizmi e ktheu Shqipërinë në vendin më të varfër në Europë, por kur Kisha ve në dukje shkaqet e varfërisë së shqiptarëve, pikërisht falangat komuniste, i thonë: “Pse merresh me politikë…?”
Në çdo rast megjithatë na vjen në ndihmë Shën Pali që thotë: “I mjeri unë po nuk predikova ungjillin” dhe ungjilli më së pari u drejtohet të varfërve që presin drejtësi dhe të drejtë.
“E drejta dhe drejtësia janë themeli i fronit të Hyjit” (krh. Ps 88).
Botë e koklavitur, por Fjala që vjen nga Hyji ndriçon në terrin e mendjeve të sëmura dhe zemrave të ligësuara.
