Aktori Donald Veshaj ka marrë sërish vëmendjen e fansave të tij pasi ka sqaruar një herë e mirë thashethemet për emisionin që iu ofrua së bashku me vëllain e tij binjak, Romeo Veshaj, gjatë kohës kur ishte brenda shtëpisë së “Big Brother Vip”.
Donald Veshaj ka publikuar në rrjetin e tij social Instagram, ku jo vetëm ka konfirmuar që emisioni do të realizohet, por ka bërë të ditur edhe datën e nisjes së tij.
“Mos më bëni të flas”, ka shkruar aktori krahas videos, ndërsa bëri të ditur se emisioni do të startojë më datë 29 prill dhe do të transmetohet çdo të premte.
Kujtojmë se, kur ishte në shtëpinë e famshme atij iu ofrua emisioni Prime-time me Romeon, në Top Channel, që do mbante titullin “Më lër të flas”. Pas finales ata fshinë nga rrjetet sociale promon e emisionit teksa u tha se ka pasur përplasje mes tyre dhe produksionit. Dy vëllezërit Veshaj nuk bënë asnjë reagim atë periudhë.
Mirëpo i zënë kurth nga emisioni “Ndryshe” në Top Albania Radio, Donaldi zbuloi se shumë shpejt vjen programi që do të fillojë transmetimin në Top Channel.
Kështu ai ka konfirmuar se emisioni i tyre nuk është pezulluar dhe do vijë shumë shpejt në ekran. Sipas afterparty Donaldi dhe Romeo kanë qenë këto ditë në televizion, ku janë takuar me pronarët e gjithashtu kanë vëzhguar punimet e studios.
