Policia ka arrestuar autorin e ngjarjes së rëndë të ndodhur sot në qytetin Trier, të Gjermanisë.
Të paktën dy persona kanë humbur jetën dhe disa të tjerë kanë mbetur të plagosur pasi një makinë u fut në një zonë për këmbësorë. Ndërkohë, numri i të plagosurve thuhet të jetë të paktën 15.
Policia lokale e Trier u mobilizua menjëherë për të ndaluar makinën, ndërsa arrestoi menjëherë shoferin, një shtetas gjerman 51-vjeçar. Arrestimi i shoferit është konfirmuar nga policia përmes Twitter, ndërsa një video që qarkullon në internet tregon arrestimin e tij.
