Moldavi – Shqipëri do luhet më 17 nëntor në orën 18:00, për kualifikueset e Euro 2024 në grupin E. Kombëtares shqiptare i mjafton 1 pikë për të siguruar biletën drejt Gjermanisë në Euro2024.
UEFA ia ka besuar bilbilin arbitrit skocez William Collum. 44-vjeçari i lindur në Glasgou (Skoci) është prej 2012 pjesë e elitës së arbitrave të UEFA, ndërsa ka një karrierë të pasur në Europë.
Me profesion arsimtar, ai e ka nisur karrierën me dhënien e mësimit të fesë në departamentin e Edukimit Fetar në Uddingstone, para se të kalonte më pas në shkollën e mesme Shën Aidan në Uishau.
Në vitin 2004 ai ishte pjesë e arbitrave në Ligën e Parë skoceze dhe prej prillit 2006 drejtoi një ndeshje në elitën e këtij vendi. Prej 2010 ai ka drejtuar në Ligën e Kampionëve dhe ndeshje e tij e parë ishte mes Copenhagen dhe Panathinaikos, që foli 2-0 për danezët.
Në ndeshjen Moldavi – Shqipëri, ndihmësa të tij do jenë Francis Connor, David McGeachie dhe Kevin Clancy, të gjithë skocezë dhe bashkëkombas të Collum. Ndeshja e fundit e drejtuar nga Collum ishte dy ditë më parë, me Celtic që fitoi 6-0 me Aberdeen në elitën skoceze, duke dhënë tre kartona të verdhë.
The post Moldavi-Shqipëri, ja kush do e gjykojë takimin appeared first on 27.
