Komisoneria e Lartë e Bashkimit Europian për Politikën e Jashtme e Sigurinë, Federika Mogherini, është një nga kandidatet e mundshme për fitimin e çmimit Nobel për Paqen.
Komiteti i Nobelit ka seleksionuar për këtë çmim 318 kandidatë mes të cilëve 103 janë insitucione, e Shefja e diplomacisë europiane kuotohet si një nga kandidatet më të favorizuara për këtë çmim të lartë së bashku me ish-Sekretarin Amerikan të Shtetit John Kerry e Ministrin e Jashtëm të Iranit Javad Zarif.
Ceremonia e dorëzimit të Çmimit Nobel për Paqen pritet të zhvillohet më datë 6 tetor në Oslo.
Nëse kryediplomatja europiane Federika Mogherini fiton Çmimin Nobel do të jetë italiania e dytë në histori që vlerësohet me këtë çmim.
